എമെര്‍ജിംഗ് കേരളത്തിനെതിരെ ജനകീയകൂട്ടായ്മയുടെ എറണാകുളം ജില്ലാ സമിതി
രൂപീകരണ യോഗം 20 .08 .2012 ല്‍ എറണാകുലത്ത് വച്ച് ചേര്‍ന്നു.സ്വപ്നേഷ്
ബാബുവിന്റെ അധ്യക്ഷതയില്‍ ചേര്‍ന്ന യോഗം എമെര്‍ജിംഗ് കേരളയ്ക്കെതിരായി
ശക്തമായ പ്രചരണ പ്രതിഷേധ പരിപാടികള്‍ സംഘടിപ്പിയ്ക്കാന്‍ തീരുമാനിച്ചു
.കേരളത്തിലെ പ്രമുഖ രാഷ്ട്രീയ പാര്‍ട്ടികളെല്ലാം തന്നെ എമെര്‍ജിംഗ് കേരള
മുന്നോട്ടു വയ്ക്കുന്ന ജനവിരുദ്ധ നയത്തിന്റെ വക്താക്കളായി
മാറിയിരിക്കുകയാണ് .വിലക്കയറ്റത്തിനെതിരെ ഓഗസ്റ്റ് 22 നു സി.പി.എം
പ്രഖ്യാപിച്ചിട്ടുള്ള കലക്ട്രേറ്റ്‌ മാര്‍ച് ശുദ്ധ തട്ടിപ്പാണ് എന്ന് യോഗം
വിലയിരുത്തി .വിലക്കയറ്റത്തിനു ആധാരമായ നയങ്ങളെ എതിര്‍ക്കുന്നതിനു
തയ്യാറാകാതെ വിലക്കയറ്റത്തിനു കാരണമായ വികസന നയം നടപ്പിലാക്കപ്പെടുന്നില്ല
എന്നാണ് സി.പി.ഐ.എം. വിലപിക്കുന്നത് .തികച്ചും സൌജന്യ നിരക്കിനു
കേരളത്തിന്റെ പ്രകൃതി സമ്പത്തും മാനവശേഷിയും വില്‍പ്പനയ്ക്ക് വയ്ക്കുന്ന
നയത്തിനെതിരെ പ്രതികരിക്കാന്‍ സി.പി.എം. തയ്യാറായിട്ടില്ല .ഇത്
സി.പി.എമ്മിന്റെ ജനവഞ്ചനയെയാണ് തുറന്നു കാണിക്കുന്നത് .എമെര്‍ജിംഗ്
കേരളയ്ക്കെതിരായ പ്രചരണ പരിപാടികളുടെ ഭാഗമായി സെപ്ടേംബര്‍ 5 നു ജില്ലാ തല
കണ്‍വന്‍ഷന്‍ വിളിച്ചു ചേര്‍ക്കാന്‍ തീരുമാനിച്ചു .കണ്‍വന്‍ഷന്റെ
പ്രചരണാര്‍ത്ഥം സെപ്ടേംബര്‍ 1 ,2 ,തീയതികളില്‍ എറണാകുളം ജില്ലയില്‍ വാഹന
പ്രചരണ ജാഥ സംഘടിപ്പിക്കും .സംഘാടക സമിതി രൂപീകരണ യോഗത്തില്‍ ജനറല്‍
കണ്‍വീനര്‍ തുഷാര്‍ നിര്‍മല്‍ സാരഥി ,ട്രെഷറര്‍ പി.ജെ.മാനുവല്‍ ,ജോയിന്റ്റ്
കണ്‍വീനര്‍മാരായ ജോളി ചിറയത്ത്,സ്വപ്നേഷ് ബാബു എന്നിവര്‍
പങ്കെടുത്തു.സംഘാടക സമിതി ഭാരവാഹികളായി സ്വപ്നേഷ് ബാബു (ചെയര്‍ പെഴ്സന്‍ ),
സുജ ഭാരതി ,അഷറഫ് (വൈസ് ചെയര്‍ പെഴ്സണ്‍സ് ),പ്രശാന്ത് എ.ബി.(കണ്‍ വീനര്‍
),ജൈസന്‍ സി.കൂപ്പര്‍ , മണികണ്‍ടന്‍ (ജോയിന്റ് കണ്‍വീനഴ്സ് )ഉണ്ണികൃഷ്ണന്‍
(ട്രെഷറര്‍ )എന്നിവരടങ്ങുന്ന പതിനാറംഗ എക്സിക്കൂട്ടീവിനെ തെരഞ്ഞെടുത്തു
.എമെര്‍ജിംഗ് കേരള എന്ന വിനാശ വികസന പദ്ധതിയ്ക്കെതിരെ മുഴുവന്‍ ജനങ്ങളും
ഒന്നിച്ചു രംഗത്ത് വരണമെന്ന് യോഗം ആഹ്വാനം ചെയ്തു.
No comments:
Post a Comment